股市隨筆
今天共有三篇網誌，標題是「股市隨筆」，「關心時事」及「電的旅程 ( 92 )」。
昨天恒指升155點，成交640億。上證指數持平。
恒指表現在些奇怪，中午原是跌75點，但奧巴馬勝選的消息傳來，有人乘機炒高。中移動及匯豐炒高，恒指倒升155點，看看道指期貨，也祇是微升。美國市場都沒有興奮，香港市場為什麼興奮？祇是有大戶有炒高的動機吧！
奧巴馬這次勝選，不負眾望 (外國人都喜歡奧巴馬勝選，好過來一個保守及極端的羅姆尼？)，而且勝得令人信服，贏了大部份主要的搖擺州，第二任內施政有民意基礎，共和黨人老的一班人很難期望他們改變，年輕的政治家也許也要思考為什麼失敗？作出政策修正。
中共十八大即將召開，這對香港來說影響更直接，特別是中共的政治改革，說了很多年，但未有改進。假定下一屆是習近平任總書記，李克強任總理，現有政策會延續下去。
股市有時是炒家話事，譬如比亞廸汽車，業績壞到不能再壞，完全沒有前景可言，昨天可以炒高10%，最容易的解釋就是買家和沽家是有關係的，其實他們祇要付印花稅，成本很低，炒高了等人接貨，祇是不知道他們能否找到足夠多的傻瓜去接貨？思捷也是奄奄一息的企業，炒家依然鍾情，小投資者最好不要去趟混水，順風船翻了船得不償失了，禾雀亂飛的小股票更不必提了，市場有了一些熱氣，本來蜇伏的小炒股都復活了。
DPZ Blog
張先生，我一早批死羅姆尼輸梗，身為總統後選人，點能夠講野咁唔負責任，以色列人同巴勒斯坦人而家係耶路撒冷雙安無事，以色列首都係台拉維夫，你為佐拉票，一句以色列首都係耶路撒冷，雙方誤解，分分鐘打起來，萬千人頭落地。
而家個股市，群魔亂舞，連比亞迪同思捷兩大喪屍都跳埋出來，其它彊屍仔不計其數，小心俾佢哋咬親。
超級大股中移動當股仔抄，真得人驚，昨日我睇定定，以經$89.5走佐第二注，執多5毫子，有糊唔食，罪大惡極，last個注，過佐$90蚊至算，執筆時個市無哪哪又跌5佰幾點，941又跌$2.4，都唔知發生乜野事。
美國總統塵埃落定，十八大已開始，上証又跌34點，冇理由唔俾面增下慶架？
tommy兄:你説話真幽默,你的投資戰略係分段買賣,對於長線投資很有利,實不相瞒,我之前在高位40元買了330思捷5,000股,如果溝貨覺得風險太大冇把握,今次供股可能係高位沽貨的好機會！幸好星期一沽了些股票,不然今日就大獲啦！
kawanseng綱友，330你都夠膽用$40元去買，夠晒沙pop，一間上市公司慨主席，將自己的股份分段全數沽清，盤數佢最清楚，賣晒重繼續升，證明的基金財雄勢大，的散戶去接貨，去溝貨及撈底，我真係抓晒頭？
一間公司要供股，即係話唔掂，供完重升，又有人買，又抓多一次頭。
天下第一妖股276蒙古能源，幾個仙升到30幾元，當時仟幾兩仟倍PE都有人買，真係頭部抓爛？
我祇有寫個服字送俾佢哋。
分段買賣長缐投資股，祇適而用於電能，中電，中移動等實力大籃籌，兩電重係專利，佢哋保證包賺錢，正式東方不敗，進可攻，退可守，永不止蝕兼晚晚「奮」得著。
tommy兄:
多謝指教,330確實係我投資路上的烏點,可以請tommy兄您再列多些地雷股给我參考嗎？也希望您可以再分享多些投資經驗給在下,感激不盡！
kawanseng綱友，指教不敢，借張先生個地盤吹下水交下流就無防。
地雷股，大賊股，喪屍股，通街都係，祇係睇下佢哋幾時出動，真係可以長線投資而"奮"得著慨股票，五隻手指數得晒。
甩毛仔石鏡泉，佢慨投資心得就係351拾5，年息3.5%，PE15倍慨大藍籌可以買，25倍以上PE我一定唔買，你可以作為參考。
銀行同地產就另計，地產而家當黑，銀行唔透明，你點知佢哋手頭上有幾多呆壞脹同唔掂國家慨債務，無謂冒風險。
我同的親朋戚友講炒股，唔係學嬴錢，係學輸錢，要捨得輸，願睹服輸，10%止蝕，15%不問理由止蝕，呢度跌低，唔好一定要係呢度起番身，留得銀紙在，那怕冇股炒。
港交所係大賭場，全世界所有最大基金財團，加埋基金班最聰明，最叻，最古惑慨精英衰仔係度搵食，你地點夠佢哋砌，被你奇蹟贏9次，第10次一鋪就同你清突。
我有個親戚買佐隻大賊股，我名都末聽過，輸佐6成，捻住擺埋一面唔理，點知5合1，跟住1供3，問我點算，我同佢講:你已輸佐，賣佐佢囉番多少責下袋，供股祇有輸多的，楂住唔放，祇有越輸越多，無底深潭。
中電我$52元開始入，直至日本海嘯，核工廠爆炸，$62元重追，頭尾楂佐三年，先至係上次分3段沽出，$72.5沽3成，$73.5又沽3成，$75元正清倉，財息兼收，但須要有耐經同忍得手唔好擒擒青出貨。
稍後睇定定跌到喏心水逐手逐手入，而家手頭慨中電平均$64右左，都楂佐成年，等運到，一年收4次息又幾爽慨。