http://hk.apple.nextmedia.com/template/apple/art_main.php?iss_id=20120324&sec_id=4104&subsec_id=15333&art_id=16186061&cat_id=45&coln_id=20 ————————————- 同一個理由, 今日可以完全另一個推論, (當然呢個推論我都唔會信) 用呢個理由話梁係共產黨, 真係得啖笑.. 但偏偏好多人信…..一般市民就話者…連d議員,學識之士都…………..唉…. —————————————- 狼振英好可能黑帝登基嘅前夕，唐營扭盡六壬絕地反擊。八方早前收到親唐營選委報料，叫我哋留意啱啱出版嘅《前哨》月刊 4月號，話有嘢爆。一睇之下果然真嚇人，一篇小題為「忽報人間曾伏虎，只緣妖霧又重來」嘅《揭梁振英底牌》文章，筆者文爾推論梁振英並唔係共產黨員，但反高潮嘅係，篇文話振英哥原來係英國政府培養，插入香港政界嘅棋。
有文章指梁是英國特務
最新一期《前哨》雜誌爆料，話狼振英係英國特務喎。
篇文嘅作者話，狼振英 87年做到基本法諮詢委員會秘書長，係因為前秘書長毛鈞年被發現係共產黨員，北京擔心招人口實，所以要搵當時 19名草諮會執委中，身家最清白嘅振英哥頂上，從而推論梁振英唔係共產黨員。佢呢個結論，就同前地下黨員梁慕嫻嘅分析截然不同。 但好戲在後頭，筆者跟進引述兩位中方人士質疑，狼振英嘅身份係疑似英國特務。篇文話已故前新華社台灣工作部部長黃文放，生前曾親口同人講，懷疑隻狼係英國軍情五處嘅特務。另一位質疑狼身份嘅，係居於香港、八十幾歲嘅陳福中。筆者介紹陳福中係中央調查部（現國安部）嘅中方資深情報員，佢話梁振英係英方特工培養嘅香港人。 《前哨》總編劉達文話，陳福中知道好多北京秘密，係《前哨》嘅作者之一，佢嘅料好堅。不過今次篇稿係由一名八十年代香港政界人士寫，認識好多中港政界人脈。劉達文又話，佢認識一個中共國安系統嘅人都有親口同佢講狼振英其實係英方嘅人，所以劉達文話綜合三方嘅消息來源，相信梁振英係「表中內英」嘅危險人物。
梁振英父係港督府警長 劉達文話振英哥飲港英奶水大，梁嘅老竇係港督府警長，所以振英哥自小受反共報紙《工商日報》薰陶。吓，如果有咁好嘅成長背景，咁點解佢長大後又會咁狼咁奸嘅？嘩，咁講法，阿爺今次咪睇錯人？靠振英哥留港建黨，咪好容易變咗做特務禍港？
pf_lee@appledaily.com
Δ
DPZ Blog
http://hk.apple.nextmedia.com/template/apple/art_main.php?iss_id=20120324&sec_id=4104&subsec_id=15333&art_id=16186061&cat_id=45&coln_id=20
————————————-
同一個理由, 今日可以完全另一個推論, (當然呢個推論我都唔會信)
用呢個理由話梁係共產黨, 真係得啖笑..
但偏偏好多人信…..一般市民就話者…連d議員,學識之士都…………..唉….
—————————————-
狼振英好可能黑帝登基嘅前夕，唐營扭盡六壬絕地反擊。八方早前收到親唐營選委報料，叫我哋留意啱啱出版嘅《前哨》月刊 4月號，話有嘢爆。一睇之下果然真嚇人，一篇小題為「忽報人間曾伏虎，只緣妖霧又重來」嘅《揭梁振英底牌》文章，筆者文爾推論梁振英並唔係共產黨員，但反高潮嘅係，篇文話振英哥原來係英國政府培養，插入香港政界嘅棋。
有文章指梁是英國特務
最新一期《前哨》雜誌爆料，話狼振英係英國特務喎。
篇文嘅作者話，狼振英 87年做到基本法諮詢委員會秘書長，係因為前秘書長毛鈞年被發現係共產黨員，北京擔心招人口實，所以要搵當時 19名草諮會執委中，身家最清白嘅振英哥頂上，從而推論梁振英唔係共產黨員。佢呢個結論，就同前地下黨員梁慕嫻嘅分析截然不同。
但好戲在後頭，筆者跟進引述兩位中方人士質疑，狼振英嘅身份係疑似英國特務。篇文話已故前新華社台灣工作部部長黃文放，生前曾親口同人講，懷疑隻狼係英國軍情五處嘅特務。另一位質疑狼身份嘅，係居於香港、八十幾歲嘅陳福中。筆者介紹陳福中係中央調查部（現國安部）嘅中方資深情報員，佢話梁振英係英方特工培養嘅香港人。
《前哨》總編劉達文話，陳福中知道好多北京秘密，係《前哨》嘅作者之一，佢嘅料好堅。不過今次篇稿係由一名八十年代香港政界人士寫，認識好多中港政界人脈。劉達文又話，佢認識一個中共國安系統嘅人都有親口同佢講狼振英其實係英方嘅人，所以劉達文話綜合三方嘅消息來源，相信梁振英係「表中內英」嘅危險人物。
梁振英父係港督府警長
劉達文話振英哥飲港英奶水大，梁嘅老竇係港督府警長，所以振英哥自小受反共報紙《工商日報》薰陶。吓，如果有咁好嘅成長背景，咁點解佢長大後又會咁狼咁奸嘅？嘩，咁講法，阿爺今次咪睇錯人？靠振英哥留港建黨，咪好容易變咗做特務禍港？
pf_lee@appledaily.com